काठमाडौं ।
नेपाल ज्योतिष परिषद् केन्द्रले केन्द्रीय सूचना तथा प्रविधि विभागको सदस्यका रुपमा अर्घाखाँचीका अनन्तप्रसाद घिमिरेलाई मनोनित गरेको छ । केन्द्रीय कार्यालय काठमाडौंमा बसेको उपलब्ध पदाधिकारीको वैठकले उनलाई उक्त पदमा मनोनित गरेको हो ।
नेपाल ज्योतिष परिषद्को जिल्ला कार्यसमिति हुँदै प्रदेश कार्य समितिको उपमहासचिवको जिम्मेवारी सम्हाल्दै आएका अत्यन्तै सक्रिय घिमिरेले विगत लामो समयदेखि विभिन्न शैक्षिक संस्थाहरुमा अध्यापन गरेको अनुभव लिइसकेका छन् । ज्योतिष वास्तु एवं पुूर्वीय संस्कृति र सभ्यताको संरक्षण एवं सम्बर्द्धनमा काम गर्दै आइरहेका घिमिरे विभिन्न पत्रपत्रिका, रेडियो एवं टेलिभिजनमा समेत क्रियाशील रहेका छन् । पछिल्लो समय ज्योतिष, वास्तु एवं पुर्वीय धर्म, दर्शन अनि सस्कृतिका क्षेत्रमा नियमित लेखकका रुपमा सक्रिय रहेका छन् । नेपाली र ज्योतिष विषयमा स्नातकोत्तर उपाधि हासिल गरेका घिमिरे एक आध्यात्मिक साधक समेत हुन् । रास्ट्रगुरु योगी नरहरिनाथको सिद्धान्तलाई आत्मसात् गर्ने शिष्यको रुपमा उनको परिचय रहेको छ । जस्तोसुकै परिस्थितिमा पनि सत्कर्म र न्यायको पक्षमा लाग्नुपर्छ भन्ने घिमिरेले हिन्दु धर्म र सनातन संस्कृतिको उन्नयनमा अझ बढी सक्रिय भएर लाग्ने बताएका छन् ।
नेपाल ज्योतिष परिषद्का विभिन्न विभागहरू मध्येको सूचना तथा सञ्चार प्रविधि विभागको संयोजकमा ज्यो. भूपेन्द्रराज घिमिरे, उपाध्यक्ष ज्यो. ठाकुरप्रसाद देवकोटा, सचिब कल्की पोखरेल, सदस्यहरूमा खगेन्द्र प्रसाद अधिकारी, गौरव ढुङ्गाना, लवहरि अधिकारी, मुक्तिनाथ जोशी, सन्तोष शर्मा नेपाल, मदन शर्मा, रुकेश पोखरेल रहेका छन् ।
