बुटवल । ईस्लाम धर्मगुरु पैगम्बर मोहम्मद मुस्तफा सल्ललहाहो, अलैहे वसल्लमको १४९८ औ जन्मोत्सवको अवसरमा बुटवलमा १९ औ पटक रक्तदान कार्यक्रम गरिएको छ ।
मदिना मदरसा मस्जीद प्रबन्ध परिषद् बुटवल–५ को आयोजानमा मस्जीद परिषरमा रक्तदान कार्यक्रम गरिएको हो । रक्तदान कार्यक्रममा बोल्दै प्रमुख अतिथि बुटवल वडा नम्बर ५ का अध्यक्ष हरि प्रसाद श्रेष्ठले सबै धर्मको सम्मान गर्दै समाजमा एक अर्काको भाईचारा स्थापित गर्नुपर्नेमा जोड दिएका थिए ।
यस्तै मस्जीदका अध्यक्ष हाजी सकुर मियाँले नियमित रूपमा रक्तदान गरी सामाजिक क्षेत्रमा परिषद् अगाडी बढेको र अबको मुख्य योजना एम्बुलेन्स संचालन गर्ने बताएका थिए ।
मुस्लिम समुदायका ३ जना महिला सहित ६० जनाले रक्तदान गरेको कार्यक्रममा रक्त सञ्चार सेवा केन्द्र बुटवलको प्राविधि सहयोग रहेको कार्यक्रम संयोजक अलाउदिन अलिले जानकारी दिएका छ्न ।
कार्यक्रम स्वयंसेवक रक्तदाता समाजका अध्यक्ष कृष्ण चौहानको बिशिस्ट अतिथि , रजाए मुस्तफा मस्जिद समितिका पुर्व अध्यक्ष रहमत खानको अतिथि , संस्थाका बरिस्ठ उपाध्यक्ष जलिलउल्ला मियाँको स्वागत मन्तव्य र सचिव सबर मियाको संचालनमा सम्पन्न भएको हो ।
