११ असार २०८१, मंगलवार
spot_img
११ असार २०८१, मंगलवार
spot_img
spot_img

गुल्मी प्रशासन अँगाडी टायर बालेर आन्दोलन गर्दा अर्घाखाँचीका दुई जना घाईते

spot_img

लक्ष्मण घिमिरे ।
गुल्मी । गुल्मी अस्पताल र पिडित पक्षबीच समझदारी नबन्दा गुल्मी अस्पतालमा मंगलवार दिनभर तनावको स्थिती सृजना भयो ।

सामान्य पेट दुखेर अस्पताल गएकी बालिकाको मृत्यु भएपछी आफन्तजनले अस्पतालको लापरवाहीले मृत्यु भएको भन्दै शव उठाउन नमानेपछी घटना जटिल बनेको छ । दिनभर आफन्तहरुले प्रदर्शन गरेपछि अस्पताल अशान्त बन्न पुग्यो ।

अस्पताल प्रशासान र मृतकका आफन्तजन बिच भएको छलफल सकारात्मक नभएपछी जिल्ला प्रशासन कार्यालयमा वार्ता बसेर छानबिन समिति बनाउने निर्णय भएको अस्पताल प्रशासनले जनाएको छ ।

अस्पतालको लापरवाहीका कारणले मृत्यु भएको भन्दै बालिकाका आफन्त सहितले बिहानैदेखि आन्दोलन गरिरहेका छन् । समस्या समधान गर्न प्रमुख जिल्ला अधिकारी टेकबहादुर केसीको कार्यकक्षमा छलफल भइरहेको छ ।

टायर बालेर प्रदर्शन गर्दा दुई घाईते
छानबिनको माग गर्दै आन्दोलन गर्ने क्रममा २ जना युवा घाइते भएका छन् ।

प्रशासन कार्यालय अँगाडी नाराबाजी गर्दै टायर बाल्ने क्रममा आगो शरिरमा सल्किएपछी अर्घाखाँचीको छत्रदेव गाउँपालिका ६ का लक्ष्मण पाण्डे र वडा नम्बर ७ का कृष्ण पौडेल जलेर घाइते भएका हुन् ।

पेट्रोल खनाएर टायर बाल्ने क्रममा ति युवाहरुको शरिरमा पेट्रोल परेको थियो । उनिहरुलाई थप उपचारको पाल्पा पठाईएको छ ।

के भएको थियो घटना ?
सोमवार दिउँसो सामान्य पेट दुखेर अर्घाखाँचीको छत्रदेव गाउँपालिका–७, काउलेका राजेश मरासिनीले आफ्नी ७ वर्षिय छोरी प्रशंसालाई लिएर गुल्मी अस्पताल पुगे । उपचारको क्रममा अस्पतालमै बच्चाले बान्ता गरेपछि उनलाई भर्ना गरिएको थियो ।

अर्घाखाँची–७, भगवतीका मेघराज पाण्डेका अनुसार उनको स्वास्थ्य अवस्था सुधारोन्मुख थियो । आज (मंगलवार) बिहान ६ बजेको समयमा बच्चा निदाएका बेला उठाएर सुई मार्फत औषधी दिइएको थियो । त्यसपछी उनी बेहोस भईन् । सुई लगाएपछी बेहोस भएकी प्रशंसा फेरी ब्युझिन सकिनन् ।

बालिका बेहोस भएपछि बिरामीका आफन्तले डाक्टरलाई बोलाउन आग्रह गरेपनि तर नर्सहरूले समयमै डाक्टर नबोलाउँदा घटना घटेको आफन्तजनको आरोप छ । सामान्य पेट दुखेको बच्चा अस्पताल लगेपछी स्वास्थ्य अवस्था सुधारात्मक रहेका बेला लाहापरवाहीले गर्दा सुई लगाएको केही समयमै बच्चाको ज्यान गएको उनिहरुले आरोप लगाएका छन् ।

Workplace
यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (80%)
  • अचम्मित (0%)
  • हाँस्यास्पद (0%)
  • आक्रोशित (20%)
टिप्पणी

spot_img

लुम्बिनी आवाज डटकम

लुम्बिनी आवाजमा प्रकाशित सामग्रीबारे कुनै गुनासो, सूचना तथा सुझाव भए हामीलाई lumbiniaawaj895@gmail.com मा पठाउन वा ९८५१०६३८९५ फोन गर्न सक्नुहुनेछ ।

spot_img

सम्बन्धित खबर

spot_img

सामाजिक सञ्जालमा हामी

लाेकप्रिय

spot_img

भर्खरै