सन्धिखर्क/जिल्ला प्रशासन कार्यालय अर्घाखाँचीले पछिल्लो १ वर्षमा पाँच करोड भन्दा धेरै राजस्व संकलन गरेको छ ।
आर्थिक बर्ष २०७९/८० मा जिल्ला प्रशासन कार्यालय अर्घाखाँचीले पाँच करोड ४२ लाख ७५ हजार दश रुपैयाँ राजस्व संकलन गरेको प्रशासकीय अधिकृत नुमलाल पन्थिले जानकारी दिए ।
कार्यालयबाट प्रदान हुने बिभिन्न सेवाहरु, राहदानी शुल्क, न्यायीक शुल्क, परिक्षा, धरौटी, दण्ड जरीवाना बापद उक्त राजस्व संकलन भएको छ । प्रशासन कार्यालयको सूचना अनुसार सबैभन्दा धेरै राजस्व राहदानी शुल्क बापद संकलन भएको छ ।
राहदानी शुल्क बापद ५ करोड ३८ लाख १५ हजार राजस्व संकलन भएको छ । न्यायीक दस्तुर तर्फ २४ हजार ४ सय ४० रुपौयाँ, परिक्षा शुल्क तर्फ ३ हजार ६ सय रुपैयाँ, अन्य प्रशासनीक सेवा शसल्क तर्फ २६ हजार रुपैयाँ, हातहतियारको ईजाजत दस्तुर तर्फ २६ हजार ८ सय रुपैयाँ, न्यायीक दण्ड, जरिवाना, जफत तर्फ २ हजार २ सय २० रुपैयाँ, पशासनीक दण्ड, जरिवाना, जफत तर्फ २ लाख २९ हजार ६ सय रुपैयाँ, अन्य राजस्व तर्फ १ लाख ४७ हजार ३ सय ५० रुपैयाँ गरी ५ करोड ४२ लाख ७५ हजार दश रुपैयाँ राजस्व संकलन भएको हो ।
दैनीक २५ जना बढीले बनाउछन् राहदानी
अर्घाखाँचीमा पछिल्लो एक वर्षमा ९ हजार ४ सय १८ जना ब्याक्तीले राहदानी बनाएका छन् ।
जिल्ला प्रशासन कार्यालय अर्घाखाँचीको तथ्याङ्क अनुसार २०७९ को असारमसान्त देखी २०८० को असार मसान्तसम्ममा सामान्य सिफरीस तर्फ ८ हजार ७ सय ७९ जना र दुर्त सेवा सिफरीस तर्फ ६ सय ३९ जना गरी ९ हजार ४ सय १८ जना ब्याक्तीले राहदानी बनाएका छन् ।
यो तथ्याङ्क अनुसार जिल्लामा दैनीक २५ जना भन्दा बढि ब्याक्तीहरुले राहदानी बनाउने गरेका छन् । पछिल्लो समय दैनिक २५–३० जनाको हाराहारीमा सेवाग्राही राहदानीका लागि कार्यालय आउने गरेका प्रशासकीय अधिकृत पन्थीले बताए ।
केही युवापिँढी अध्ययनका लागि र केही वैदेशिक रोजगारीका लागि राहदानी बनाउन आउने गरेका छन् । उनले भने, “कार्यालयमा गत वर्षको तुलनामा यस वर्ष राहदानी बनाउन आउनेको सङ्ख्या बढ्दै गएको छ ।” उनका अनुसार कार्यालयले आर्थिक २०७९/८० को असार मसान्तसम्म ७ हजार ५ सय ५४ जनालाई राहदानी बितरण गरीएको छ ।
एक वर्षमा ७ हजार बढीले लिए नागरीकता
जिल्ला प्रशासन कार्यालय अर्घाखाँचीले आर्थिक वर्ष २०७९/८० मा ७ हजार ६ सय १६ नेपाली नागरिकता वितरण गरेको छ ।
कार्यालयले वंशजका आधारमा ७ हजार पाँच सय ९९ र वैवाहिक अङ्गीकृत १७ गरी कूल ७ हजार ६ सय १६ नागरिकता वितरण गरेको हो ।
त्यसैगरी, कार्यालयबाट १० हजार ६ सय ७८ जनाले नागरीकताको प्रतिलिपि लिएका छन् ।आर्थिक वर्ष २०७९/८० को असार मसान्त भित्र नाबालक परिचयपत्र १७८ लाई प्रदान गरिएको छ ।
