कपिलवस्तु । कपिलवस्तुको शिवराज नगरपालिका वडा न ४ पिपरामा दुई व्यक्तिको विवादले गर्दा वर्षौ सम्म रोकिएको आर सिसि सडक निर्माण कार्य शुरु भएको छ । शुक्रवार दुवै पक्षले शिवराज नगरपालिकाका मेयर अजय थापालाई गाँउ मै छलफल गरि काम सुचारु गर्न आग्रह गर्पछि वडा न ४ का अध्यक्ष नसिम अहम्द सहित निर्माण स्थलमा गइ अनुगमन गरेका थिए ।
पिपरा निवासी मोहम्द नसिम मुसलमानले न्यायिक समितिमा उजुरी पछि नगर प्रमुख थापाले उक्त गाँउका व्यक्तिहरुको उपस्थितिमा दुवै पक्षको सल्लाह अनुसार मोहम्द नसिम मुसलमानको जग्गामा ३ मिटर ९० सेन्टीमिटर र स्वयम मोहम्द नसिम मुसलमानको सहमतीमा बिच सेन्टर देखि दुवै पक्षको बिच सहक वाट दुइ दुइ मिटर आधार मानी सडक छुटाइएको उपभोक्ता समितिका अध्यक्ष नुर मोहम्द मुसलमानले बताए । दुइ व्यक्तिको आपसी झगडाले सडक अवरुद्ध गर्नु र गाँउलेको निकास रोक्नु बेठिक भएको मुसलमानले बताए ।
सडक बनाउने वियषमा असहमति भएपछि न्यायिक समितिमा उजुरी परेको थियो । सडक बन्ने विषयमा उजुरी परेपछि नगर प्रमुख थापाले उक्त सडकको अनुगमन गरेका थिए । थापाले सडक सहमतिमा निर्माण भएको र वडा न ४ का अध्यक्ष नसिम मुसलमानको उपस्थितिमा उक्त निर्माण स्थलमा गाँउलेको समेत उपस्थिमा सहमति भएको बताए । विकास निर्माणमा कसैले अवरोध गर्न नहुने बताए ।
वडा अध्यक्ष नसिम मुसलमानले लामो समय देखि विवादको कारणले सडक निर्माण हुन नसकेको र गत आर्थिक वर्षको रकम समेत फिर्ज भएको बताए । उक्त सडक आरसिसिका लागि ९ लाख रकम छुटाएको अध्यक्ष मुसलमानले बताए ।
