सन्धिखर्क । अर्घाखाँचीको मालारानी गाउँपालिका– ४ का वडा अध्यक्ष विष्णुप्रसाद पोख्रेल निर्वाचन आचारसंहिताविपरीत पार्टीको चुनावी सभामा सहभागी भएको पाइएको छ।
वडा अध्यक्ष पोख्रेलले नेकपा (एमाले)ले गत मंगलबार खन लुटिपोखरीमा आयोजना गरेको चुनावी सभामा सहभागी भएर एमालेलाई भोट मागेको पाइएको हो।
निर्वाचन आचारसंहिताअनुसार स्थानीय कार्यपालिका तथा सोको पदाधिकारीमा रहेका व्यक्ति कुनै राजनीतिक दलको चुनाव प्रचारप्रसारमा संलग्न हुन पाइदैन्। यदि कोही सहभागी भएमा वा कुनै राजनीतिक दललाई मत (भाेट) मागेमा निर्वाचन आयोगले जरिवानासहित कारबाही गर्न सक्ने व्यवस्था रहेको छ।
वडा अध्यक्ष पोख्रेलले निर्वाचन आचारसंहिताको धज्जी उढाउँदै सहभागी भएको कार्यक्रममा एमाले सचिव तथा प्रतिनिधि सभा सदस्यका उम्मेदवार टोपबहादुर रायमाझीलगायत प्रदेश सभा सदस्यका उम्मेदवारहरुको सहभागीता रहेको थियो।
उनलाई कारबाही गर्ने तयारी भएको निर्वाचन आयोगले बताएकाे छ।
