spot_img
spot_img

५० हजारलाई रोजगारी दिन बाँकी नै छ, स्टेडियम बनाउन त्यसै छ….

spot_img
spot_img

केही दिन अघि पुर्व माओवादीका पुर्व माननिय टोपबहादुर रायमाझीले एउटा टिप्पणी गर्नुभएछ । भन्नुभएछ ‘यदि यसपालि गठबन्धनले जित्यो भने देश २० वर्ष पछाडी धकेलिन्छ’ । यो टिप्पणी आफैमा हाँस्यासपद त छ नै रायमाझी आफैलाई कुरी–कुरी गर्ने खालको स्टेटमेन्ट पनि हो ।

(नेकपा) माओवादी केन्द्रमा छदा उनको रवाफ, पहुँच, ल्याकत र पहिचान छुट्टै थियो । पार्टी भित्र पटक पटक सत्ताको स्वाद चाखेका नेताहरुमा उनी टप ५ मै पर्छन । नेकपा विभाजन पछि एकाएक सांसद पद त्यागेर एमाले कित्तामा उभियका रायमाझी केन्द्रिय सचिव पनि भए । तर, पहिलेको जस्तो नाम, फ्रेम, ईमेज चाँही रहेन ।

झन्डै १५ वर्षको अवधीमा ४ पटक मन्त्री भएका रायमाझीले ६ वटा मन्त्रालयमा कामको अनुभव बटुलेका छन् । उर्जा मन्त्रालयदेखी उपप्रधानमन्त्री सम्मका महत्वपुर्ण मन्त्रालय सम्हालिसकेका रायमाझीले शान्तीसम्झौता पछी देशको बागडोर सम्हाल्ने सबैभन्दा बढी मौका पाए । झन्डावाला गाडी बोकेर जिल्ला कुदिहाल्ने र स्टन्डबाजी गर्नेमा उनी अग्रपंतिमा देखिए । सपथ खाने, सुविधा लिने र गाडी चढ्ने बाहेक उनको सम्झन लायक काम देखिदैंन ।

मौकामा पुगेर काम गर्न चुकेका उनले अरुलाई खिसिटिउरी गर्न कति जायज होला ? सत्ता स्वार्थको उदाहरणीय पात्र बनेका उनै रायमाझीले अझैपनि काम भएन, अरुले गरेनन गर्न दिएनन भन्नु कतिको जायज होला ?

कमरेड ‘अनिल’ १ गठबन्धनले जित्यो भने देश २० वर्ष पछाडी धकेलिन्छ भन्नुभएछ । यो देश ५० वर्ष पछाडी धकेलेको तपाईले होईन ?

राणा, राजा र काङ्ग्रेसले बनाएका संरचनामा बम पड्काउने तपाई होईन ? टावरहरु जलाउने तपाई होईन ? सरकारी कार्यालयमा आगजनी गरेर ध्वस्त बनाउने तपाई होईन ? बाटो–बाटोमा एम्बुलेन्स थापेर बाटो भत्काउने तपाई होईन ? सेना प्रहरीका हतियार खोस्ने, बैंकका गरगहना र पैसा लुट्ने तपाई होईन ? उद्योगहरुमा आगो लगाउने तपाई होईन ? बोर्डिङ्ग स्कुलहरुमा विध्वंस मच्चाउने तँपाई होईन ?

ति संरचनाहरु अहिले भएको भए देश यती पछाडी हुन्थ्यो ? बाटोघाटो फेरी बनाउनु पर्थ्यो ? भवनहरु पुनः बनाउनु पर्थ्यो ? मानविय क्षतीका त विवरण अझै बाँकी छन् ।

मैले गर्दा देश कति पछाडी परेको छ भन्ने हेक्का छ तपाईलाई ? मेरै सनकले सन्धिखर्क सदरमुकाम जस्तो छैन भन्ने भान छ तपाईलाई रु मेरै नेतृत्वमा भौतिक सम्पत्ती र बौद्धिक सम्पत्ती छानीछानी नष्ट गरेको हुँ भन्ने पश्चाताप छ तपाईलाई ?

हिजो आफैले भत्काएको भवनको आज शिलन्यास गर्नुहुन्छ, के ठुलो काम भयो ? हिजो आफैले जलाएको नक्साहरु आज वितरण गर्नुहुन्छ, के नौलो कुरा भयो ? हिजो आफैले पुरेको बाटोमा आज डोजर लगाउँदै हुनुहुन्छ, के फरक भयो ?

अर्घाखाँचीबाट अवसर प्राप्त गर्नेमा तपाई भन्दा धेरै मौका पाउने कोही छ भने मलाई बताईदिनुस ? अनी तपाईले कस्लाई दोष दिएर उम्किन मिल्छ ? स्व. काशिनाथ गौतमले २०४८ सालमा कोरेको सडकमार्ग ढोरपाटनको रुपमा कैले पुरा गर्ने ? पुर्व पर्यटन राज्यमन्त्री रेवती प्रसाद भुसालले २०५४ सालमा वाङलामा एयरपोर्ट बनाउन गरेको सर्वेको प्रतिविम्व अर्घा भगवती विमानस्थल कहिले पुरा गर्ने ? अझ, स्टेडियम बनाउन बाँकी नै छ, ५० हजारलाई स्वरोजगार बनाउन बाँकी नै छ, बञ्जीजम्प बनाउन बाँकी नै छ, जनताको मुहारमा खुशी फर्काउन बाँकी नै छ । भन्नुस् १५ वर्ष भन्दा कति समय दिनुपर्छ ?

२०६४ मा जितेको तपाई, २०७० मा जितेको तपाई, २०७४ मा जितेको तपाई, चार पटक मन्त्री हुने तपाई, ६ वटा मन्त्रालय सम्हाल्ने तपाई अनी विकासको आस हामीले कोसँग गर्ने ? अनी नभएका कामको दोष कस्लाई दिने ? खेर गएको समयको हिसाब कोसँग माग्ने ? अनी, अब फेरी हजुरलाई नै किन मत दिने ?

उमेश पछाई

Workplace
यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (100%)
  • आक्रोशित (0%)
टिप्पणी

spot_img

लुम्बिनी आवाज डटकम

लुम्बिनी आवाजमा प्रकाशित सामग्रीबारे कुनै गुनासो, सूचना तथा सुझाव भए हामीलाई lumbiniaawaj895@gmail.com मा पठाउन वा ९८५१०६३८९५ फोन गर्न सक्नुहुनेछ ।

spot_img

सम्बन्धित खबर

सामाजिक सञ्जालमा हामी

लाेकप्रिय

spot_img

भर्खरै