८ असार २०८१, शनिबार
spot_img
८ असार २०८१, शनिबार
spot_img
spot_img

मेयरले बैठक स्थगित गरेपछि तिलोत्तमा नगर सभामा तनाव, एमालेका जनप्रतिनिधिको नाराबाजी

spot_img

रुपन्देही । रुपन्देहीको तिलोत्तमा नगरपालिकामा आर्थिक वर्ष २०७९/८० का लागि प्रस्तावित बजेट आइतबार पनि पास हुन सकेन । नगर प्रमुख रामकृष्ण खाणले नगरसभामा गणपुरक नपुगेको भन्दै बैठक स्थगित गरेपछि नेकपा एमालेको तर्फबाट निर्वाचित जनप्रतिनिधिहरूले नाराबाजी गरेका छन् ।

बैठकमा उपस्थित सदस्यहरूको संख्या पुग्दा पनि नगरप्रमुख खाण र प्रमुख प्रशासकीय अधिकृत जीवन ज्ञवालीले बैठक स्थगित गरेको एमालेको आरोप छ । बैठक सुरू हुनुभन्दा अघि नै आफ्ना ४८ जना नगर सदस्यहरू उपस्थित भएको र बैठक सुरू भएलगत्तै हाजिर गर्न माग्दा प्रमुख प्रशासकीय अधिकृत ज्ञवालीले हाजिर गर्न नदिएर उपस्थित संख्या नपुगेको भनि बैठक स्थगित गरेको उपप्रमुख जागेश्यरी चौधरीले बताइन् ।

‘हामी बैठकअघि नै उपस्थित थियौं, निर्धारित समय दिउसो १ बजे बैठकका लागि नगर प्रमुख मञ्चमा जानुभयो, त्यसपछि हाम्रा साथीहरूले हाजिर गर्नका लागि प्रमुख प्रशासकीय अधिकृतसँग रजिष्टर माग्दा, अहिले मिल्दैन भन्दै दिनु भएन ’, चौधरीले नेपाल प्रेससँग भनिन्, ‘लगत्तै बैठकमा ४३ जनाको मात्रै उपस्थिति भएको भन्दै बैठक स्थगित भयो । त्यसपछि हामीले नियमापत्ति जनाएका हौं ।’

तिलोत्तमाको एक होटलमा आयोजना गरिएको नगर सभा स्थगित भएसँगै प्रमुख प्रशासकीय अधिकृतसमेत नेपाली कांग्रेसको तर्फबाट निर्वाचित प्रतिनिधिहरूको बैठकमा उपस्थित भएका छन् ।

बैठक स्थगित हुनुका साथै प्रमुख प्रशासकीय अधिकृतबाट अनैतिक कार्य भएको भन्दै एमालेका प्रतिनिधिहरूले नाराबाजी गरेका थिए । उनीहरूले प्रमुख प्रशासकीय अधिकृतको राजीनामा माग गरेका छन् । यसैगरी सभामा प्रहरी परिचालन गरिएको भन्दै त्यसको भर्त्सना गरिएको छ ।

यसअघि असार ३१ गते बोलाइएको बैठकमा पनि गणपुरक संख्या नपुगेको भन्दै मेयर खाणले स्थगित गरेका थिए । उक्त दिन सूचना टाँस गरी आजका लागि बैठक बोलाइएकोमा आज एजेण्डामै प्रवेश नगरी बैठक स्थगित भएको छ ।

नगर प्रमुख रामकृष्ण खाणले बैठकमा को कति आए भनेर टाउको गनेर नहुने बताउँदै आफूहरूले हस्ताक्षर गरेपछि एमालेबाट निर्वाचित जनप्रतिनिधि आएको जानकारी नभएको दाबी गरे ।

‘म नगर प्रमुख भनेर दम्भ राख्दैन, सहमतिमा गएर निकास निकाल्नुपर्छ, म लचकतामा आउन तयार छु’, उनले भने ।

Workplace
यो खबर पढेर तपाईलाई कस्तो महसुस भयो ?
  • खुसी (100%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

spot_img

लुम्बिनी आवाज डटकम

लुम्बिनी आवाजमा प्रकाशित सामग्रीबारे कुनै गुनासो, सूचना तथा सुझाव भए हामीलाई lumbiniaawaj895@gmail.com मा पठाउन वा ९८५१०६३८९५ फोन गर्न सक्नुहुनेछ ।

spot_img

सम्बन्धित खबर

spot_img

सामाजिक सञ्जालमा हामी

लाेकप्रिय

spot_img

भर्खरै