सन्धिखर्क । अर्घाखाँचीको भूमिकास्थान नगरपालिका-१ मा नेपाली कांग्रेसका गोपाल खनाल निर्वाचित भएका छन्। कम्युनिस्टको किल्ला भनेर चिनिने ढाकाबांगमा इतिहासमै पहिलोपटक नेपाली कांग्रेसका गोपाल खनालले ८ सय ४७ मतका साथ विजयी भएका हुन्।
उनका निकटतम प्रतिद्वन्दी राष्ट्रिय जनमोर्काचाका भोजराज खनालले ७ सय १६ मत प्राप्त गरेका छन्। पालिका प्रमुख मेयरमा राष्ट्रिय जनमोर्चाका झबिलाल थापाले ९ सय ५५ र एमालेका रेशम थापाले ६ सय ३ मत प्राप्त गरेका छन्।
उपमेयरमा नेकपा माओवादीका बालकृष्ण बन्जाडेले ९ सय ३९ र एमालेका बसन्ता पौडेलले २ सय ८३ मत प्राप्त गरेका छन्।
