स्थानीय तहको निर्वाचन नजिकिँदै गर्दा पाणिनिमा क्रियाशील विभिन्न राजनैनिक पार्टीका चुनाब लक्षित कार्यक्रमहरु पनि तिब्र रुपमा अघि बढेका छन् । दलका उमेदवारहरुलाई मतदाताहरुसग आफ्ना प्रतिवद्दताहरु प्रस्तुत गर्न भ्याइनभ्याइ भएको छ।
यसैक्रममा काङ्ग्रेसले आज पाणिनि ५ का विभिन्न स्थानहरुमा चुनावी कोणसभा सम्पन्न गरेको छ। पाणिनि ५ को नेटाकापोखरा र मैदानमा सम्पन्न आयोजित उक्त कार्यक्रममा पाणिनी गाउँपालिका अध्यक्षका उमेदवार अच्युत गौतम,उपाध्यक्ष लक्ष्मी गौतम, पाणिनि ५ का अध्यक्ष गणेश घिमिरे लगायत गठबन्धनका सम्पूर्ण उमेदवारहरुले त्यस क्षेत्रका मतदाताहरुसग आफ्नो परिचय दिदै आफुहरुलाइ आउँदो निर्वाचनमा जिताउन आग्रहसमेत गरेका छन् । अघिल्लो निर्वाचनबाटै पाणिनिको विकास गर्ने जिम्मेवारी जनताहरुले दिएपनि उक्त जिम्मेवारी अन्तर्गतका केहि अधुरा कामहरु पूरा गर्नकै लागि पुनः उम्मेद्बारी दिएको गाउँपालिका अध्यक्षका उमेदवार अच्युत गौतमले जिकिर गरेका छन् ।
पाणिनि ५ मा अध्यक्षका उमेदवार गणेश घिमिरेले मैदानको विकाशका लागि आफ्नो उम्मेद्बारी रहेको र यस क्षेत्रका जनताहरुको आधारभूत आवश्यकता पूरा गरि ५ नं. वडालाई जिल्लाकै समुन्नत वडाका रुपमा लैजान आफू अघि सरेको बताएका छन्। जनताहरुले विश्वास गरि जिम्मेवारी दिएमा कसैलाई पछुतो नहुने गरि आफू लाग्ने समेत घिमिरेले बताएका छन् । त्यसैगरि उक्त कार्यक्रममा जिल्लास्तरका अन्य नेताहरुले पनि काङ्ग्रेसका पक्षमा आआफ्ना धारणाहरु प्रस्तुत गरेका थिए।
प्रतिकुल मौसमका बाबजुद पनि मैदानका जनताहरुको बाक्लो उपस्थितिमा उक्त कार्यक्रम सम्पन्न भएको थियो।
