सन्धिखर्क । अर्घाखाँची जिल्लाको मालारानी गाउँपालिकाका अध्यक्ष पदमा बालकृष्ण आचार्यले नेकपा एमालेको चयनप्रति असन्त्ष्ट हुँदै स्वतन्त्र उम्मेदवारी दर्ता गरेका छन् ।
बालकृष्ण आचार्य गाउँपालिकाको अध्यक्ष पदबाट आजै राजीनामा दिएर पुन: दोस्रो कार्यकालका लागि अध्यक्ष पदमा उम्मेदवारी दिएका हुन् ।
आचार्यले पार्टीमा सरसल्लाह नगरी दलबहादुर भट्टराईलाई गाउँपालिकाको अध्यक्षमा उम्मेदवारी बनाउने सहमति भएपछि आफूले बाध्य भएर अध्यक्षमा स्वतन्त्र उम्मेदवारी दर्ता गर्नुपरेको बताए ।
पार्टीबाट जस्तो सुकै दबाब आएपनि आफ्नो उम्मेदवारी फिर्ता नहुने भन्दै उनले भने, ‘तीन दिन अघिसम्म उम्मेदवार बन्दैन भनेर सुतेको मानिसलाई पार्टीले जबर्जस्ती पालीकाको अध्यक्षमा सिफारिस गरेपछि आफूले बाध्य भएर पुन: उम्मेदवारी दिनु हो ।’
