अर्घाखाँची: वैदिक सनातन धर्म सेवा समाज, अर्घाखाँचीको पहिलो बैठक पाणिनिको आलमनगरमा आज सम्पन्न भएको छ। विधान एवं सस्था दर्ता पछिको यो पहिलो बैठक हो।
आज बसेको कार्यसमिति बैठकले विधान एवं सस्था दर्ताको क्रममा सहयोग पुर्याउने सबैलाई धन्यवाद एवं आभार प्रकट गरेको छ। त्यस्तै अबका दिनमा विभिन्नखाले धार्मिक एवं अध्यात्मिक कार्यक्रमहरु समाजसग जोडेर सन्चालन गर्ने निर्णय समेत गरेको छ। आउँदो श्रावणसम्ममा पाणिनिमा व्यापक सहभगितामा लघुरुद्री लगायतका धार्मिक अनुष्ठान गरिने निर्णय सस्थाले गरेको छ, त्यसैगरी सस्थालाइ थप पारदर्शी बनाउनका लागि विभिन्न स्रोतबाट प्राप्त रकमलाई बैंकमा खाता सन्चालन गरिने उक्त सस्थाका अध्यक्ष चन्द्रमणि घिमिरेले जनाएका छन्।
सामाजिक रुपान्तरण एवं वैदिक सनातन परम्परा अनुसार समाजलाई अघि बढाउने उद्देश्यले स्थापित भएको उक्त सस्थाले जिल्ला प्रशासन कार्यालय, अर्घाखाँचीबाट २०७८ साल फाल्गुन २९ गतेबाट औपचारिक रुपमा मान्यता पाएको थियो।
