घनश्याम पौडेल
सन्धिखर्क । नेपाली काँग्रेस अर्घाखाँचीका सभापति केशव श्रेष्ठले जनताको घरघरमा पुग्न नेता कार्यकर्तालाई आग्रह गरेका छन । अर्घाखाँची जिल्लाको शितगंगा नगरपालिका वडा नम्बर ४ शितगंगाले आयोजना गरेको शुभकामना आदानप्रदान तथा क्यालेन्डर विमोचन कार्यक्रमलाई सम्बोधन गर्दै सभापति श्रेष्ठले काँग्रेसको जितलाई कसैले रोक्न नसक्ने बताए । उनले काँग्रेसको चुनाव चिन्ह रुख लिएर घरघरमा पुग्नका लागी आग्रह गरे ।
काँग्रेस पार्टीमा बसेर निर्वाचनमा अन्तर्घात गर्न पाईन्न, काँग्रेसबाट रुख चिन्ह लिएर लड्ने उम्मेदवारलाई विजयी बनाउँन लाग्न आग्रह गरेका छन । बैशाख ३० गते हुने स्थानिय निर्वाचनमा काँग्रेस सहितका गठबन्धनका दलले ६ स्थानिय तह र ६१ वटै वडामा जित्नेगरी लाग्न आग्रह सभापति श्रेष्ठले गरे ।
संविधान जारी गर्ने, संविधान कार्यान्वयन गर्ने पार्टी काँग्रेस हो, जनताको सुख र दुःखको पार्टी काँग्रेस हो, दुईतिहाईको सरकारले जनताको पक्षमा कुनै नगरेकाले काँग्रेसले सरकार चलाउँनुपर्ने स्थती आएको सभापति श्रेष्ठले बताए । काँग्रेसले छिट्टै उम्मेदवार तय गर्छ, रुख चिन्हमा मत माग्दै घरघरपुग्न आग्रह गरेका हुन ।
