बुटवल । सत्तारुढ दल नेपाली कांग्रेसको भातृ संगठन नेपाल विद्यार्थी संघ, प्युठान- रुपन्देही सम्पर्क समितिको ८ औं साधारण सभा तथा अधिवेशन सम्पन्न भएको छ । शनिबार बुटवलस्थित बुटवल बहुमुखी क्याम्पसमा भएको उक्त अधिवेशनले सभापतिमा माधव केसीलाई सर्वसम्मत चयन गरेको छ ।
यस्तै अधिवेशनबाट उपसभापतिमा लक्ष्मण भुसाल, गणेश खनाल, प्रविन जिसी, महेश जिसी, प्रकाश पौडेल र तुलसा बस्नेतलाई चयन गरेको छ भने सचिवमा घनश्याम सुवेदी र कबिता रमण पुरीलाई चयन गरेको छ ।
त्यसैगरी, सह-सचिवमा सचिन राज विश्वकर्मा, अशोक केसी, गोबिन्द रोका, सन्दीप शर्मा, हिमान ढकाल, बिनिता जिसी र बामदेव सुवेदी चयन भएका छन् भने कोषाध्यक्षमा ऋषि सुवेदी चयन भएका छन् ।
सदस्यहरुमा वसन्त केसी, उज्ज्वल जिसी, दिपेन्द्र बिष्ट, कल्पना केसी, समुन्द्र ढकाल र दिनेश महत रहेका छन् ।
