सन्धिखर्क । अर्घाखाँची जिल्लाको सन्धिखर्क नगरपालिका वडा नम्बर १ को गुन्टेखोला बिसमिल्ला सिरक डसना उद्योगको गोेदाममा लागेको आगलागी नियन्त्रणमा आएको छ ।
करिव १ घण्टापछि दमकल, नेपाली सेना, सशस्त्र प्रहरी, नेपाल प्रहरी तथा स्थानियहरुको सहयोगमा आगलागी नियन्त्रणमा आएको हो ।
आगलागीबाट गोदाममा रहेका सामान जलेर नष्ट भएका छन् । आगलागीबाट भएको क्षेतिको विवरण भने अझै आएको छैन् । आगलागी विद्ययुत सट भएर लागेको हुन सक्ने प्रारम्भिक अनुमान छ । आगलागीबाट कुनै मानविय क्षेती भएको छैन । नियन्त्रणमा खटिदै गर्दा सो उद्योगका संचालक फिरोज मन्सुरी अचानक बेहोस भएका छन, उनको उपचार हुँदै गरेको बुझिएको छ । 
