९ माघ २०८१, बुधबार
spot_img
९ माघ २०८१, बुधबार
spot_img

चुनावी तालमेलबारे आज निर्णय गर्दै कांग्रेस

spot_img

काठमाडौं । नेपाली कांग्रेसले स्थानीय तहको चुनावमा अन्य दलसँग तालमेल गर्ने/नगर्नेबारे आज निर्णय गर्ने तयारी गरेको छ।गत शुक्रवारदेखि जारीे केन्द्रीय समिति बैठकमा केन्द्रीय सदस्यहरूले बोल्ने क्रम सकिएकाले आजको बैठकले चुनावमा तालमेल गर्ने/नगर्नेबारे निर्णय गर्ने कांग्रेसका नेताहरुले बताएका छन्। केन्द्रीय समितिको बैठक दिउँसो ३ बजे बस्दैछ।

जारी बैठकमा चुनावी तालमेल गर्ने वा चुनावमा एक्लै जाने विषयमा केन्द्रीय सदस्यले फरकफरक धारणा व्यक्त गरेका छन्। धेरैजसो नेताले लोकतान्त्रिक मूल्यमान्यता रक्षाका लागि विशिष्ट परिस्थितिमा कांग्रेसको नेतृत्वमा गठबन्धन सरकार बनेकाले त्यही अनुसार चुनावी तालमेल गर्दा उपयुक्त हुने धारणा राखेको प्रवक्ता डा. प्रकाशशरण महतले बताए।

स्थानीयस्तरमा पार्टीको अवस्था र आवश्यकताका आधारमा चुनावी तालमेल गरेर जाँदा पार्टी मजबुद हुने र आउँदो संसदीय चुनावमा पनि पार्टीले जित्ने धेरैको सुझाव आएको उनले बताए।

यसका लागि केन्द्रले सैद्धान्तिक निर्णय गर्नुपर्ने सुझाव आएको र त्यसैका आधारमा आज दिउँसो ३ बजे बस्ने बैठकमा आवश्यक निर्णय हुने उनको भनाइ छ।

यसैगरी कतिपय पदाधिकारी र केन्द्रीय सदस्यले भने चुनावी तालमेल नगरी एक्लै चुनावमा जाँदा राम्रो हुने सुझाव दिएका छन्।

Workplace
यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

spot_img

लुम्बिनी आवाज डटकम

लुम्बिनी आवाजमा प्रकाशित सामग्रीबारे कुनै गुनासो, सूचना तथा सुझाव भए हामीलाई lumbiniaawaj895@gmail.com मा पठाउन वा ९८५१०६३८९५ फोन गर्न सक्नुहुनेछ ।

spot_img

सम्बन्धित खबर

spot_img

सामाजिक सञ्जालमा हामी

लाेकप्रिय

spot_img

भर्खरै