सन्धिखर्क । जिल्लाको सन्धिखर्क टुडिखेलमा चलिरहेको वडा स्तरीय तेस्रो उप-मेयर कप , २०७८ क्रिकेट प्रतियोगितामा सनपा ९ अर्घाले प्रथम स्थान हासिल गरेको छ । सोमबार भएको फाईनल खेलमा सनपा ८ लाई ३ विकेटले पराजय गर्दै ९ ले खेलको उपाधी पार्न सफल भएको हो ।
टस जितेर पहिले फिल्डिङ रोजेको अर्घाले अन्तिम ओभरसम्म खेल्दै सात विकेटको क्षतिमा बिजय निकाल्न सफल भएको हो । ८ नम्बर वडाले ९९ रन बनाएपछि १०० रनको लक्षयसहित मैदान उत्रिएको ९ ले अन्त्य ओभरमा लक्ष्य पुरा गरेको थियो । विजेता ९ नम्बरले ४० हजार नगदसहित, शिल्ड, प्रमाणपत्र र मेडल प्राप्त गरेको छ भने उपविजेता ८ ले २५ हजार नगदसहित शिल्ड, प्रमाणपत्र र मेडल प्राप्त गरेको छ।
सन्धिखर्क नगरपालिकाको आयोजना र अर्घाखाँची कृकेट संघको व्यवस्थापनमा सम्पन्न खेल शुक्रबार सन्धिखर्कका मेयर कमल प्रसाद भुसालले उद्घाटन गरेका हुन ।
