काठमाडौँ । विश्व ज्योतिष महासंघ राष्ट्रिय समितिको महासचिवमा भक्तपुर जिल्ला चाँगुनारायण ९ का सुरेश राज गिरि निर्वाचित भएका छन। हिजो संघको कार्यालय डिल्लिबजारमा सम्पन्न तेस्रो अधिवेशनबाट दुई बर्ष कार्यकालको लागि उहाँ निर्वाचित हुनु भएको हो ।
लामो समय देखि ज्योतिष शास्त्र र यस सँग सम्बन्धित बिषयमा गहन खोज,अनुसन्धान र सेवा दिदै आउनु भएका गिरिले यश अगाडि पनि बिश्व ज्योतिष महासंघ राष्ट्रिय समितिको सदस्य ,कोषाध्यक्ष हुदै २०७७ साल फागुन ९ मा ज्यो.कृष्ण प्रसाद अर्यालको सभापतिमा गठित समितिमा महासचिवमै मनोनीत भइ छोटो कार्यकाल निभाउनु भएको थियो।
ज्योतिष ,धर्म ,संस्कृतिका साथै गिरिले सामाजिक सेवा र जनहितका लागि समेत राम्रो कार्य गर्दै ज्योतिषी सेवालाई निरन्तरता दिनु भएको छ। हिजोको अधिबेशनमा प्रतिवेदन पेस गर्दै कोरोना महामारीका कारण कमजोर भएको संगठन लाई अबका दिनमा अझ शसक्त र बलियो बनाउदै ज्योतिष शास्त्रलाई सम्पुर्णमा गर्वको बिषय बनाउने जानकारी दिनु भयो।
