७ श्रावण २०८१, सोमबार
spot_img
७ श्रावण २०८१, सोमबार
spot_img
spot_img

५ बर्षे कार्यकालमा भुमिकास्थानमा विकासको जग बसेको छ : नगर प्रमुख थापा

spot_img

गोपाल प्रसाद भट्टराई
अर्घाखाँची ।  अर्घाखाँचीको भुमिकास्थान नगरपालिकाका नगरप्रमुख रेसम थापाले आफुहरुको पहिलो कार्यकालमा विकासको जग बसालेको दाबी गरेका छन ।

आफुहरु जनप्रतिनिधि भएर आएपछि चौरबाट सेवा सुरु गरेको भुमिकास्थान नगरपालिकाले भौतिक विकासलाई पहिलो प्राथमिकतामा राखेको बताउँदै समग्र क्षेत्रमा विकासको जग बसालेको उनको दाबी छ ।

अर्घाखाँचीको धारपानीमा सम्पन्न भुमिकास्थान नगरपालिकाको दोस्रो चौमासिकको सार्वजनिक सुनुवाईलाई सम्बोधन गर्दै उहाँले यस्तो दाबी गरेका हुन । “शुन्यताबाट सेवा सुरु गरेकोले भौतिक विकासमा हाम्रो बढि ध्यान गयो,जसले गर्दा शिक्षा र स्वास्थ्य अलि ओझेलमा परेका हुन् ।”नगर प्रमुख थापाले भने,“तैपनी अन्य पालिकामा भन्दा हाम्रोमा शिक्षा र स्वास्थ्यसेवा पनि राम्रै छ ।” “हामीले विकासको जग बसालेका छौं ।” थप्नुभयो,“ अब आउनेले पुरा गर्नेछन् । भन्नेमा म विस्वस्त छु ।” पहिलो कार्यकालमा सहयोग गर्ने सबैलाई धन्यावाद दिंदै नगर प्रमुख थापाले जनता र पार्टीले जिम्मेवारी दिए दोहोरिएर आउने उद्घोष समेत गरेका छन ।

कार्यक्रममा नगरपालिकाका प्रमुख प्रशासकिय अधिकृत लिल बहादुर राउत क्षेत्रीले जनप्रतिनिधिको भावना र नागरिकको आवस्यकता अनुसार सेवा प्रवाहलाई चुस्त,दुरुस्त र सहज बनाउने काममा आफुहरु लागि परेको बताए ।

नगरपालिकाको आर्थिक सहयोगमा शैक्षिक तथा सामुदायिक परामर्श सेवा केन्द्र अर्घाखाँचीले आयोजना गरेको दोस्रो सार्वजनिक सुनुवाई कार्यक्रममा सहभागीहरुले शिक्षा,स्वास्थ्य,कृषिको विकास तथा दिगोविकास,स्वरोजगारका कामले फड्को मार्न नसकेको जस्ता गुनासाहरु राखेका थिए ।

स्थानिय राजनितिक दलका प्रतिनिधि,वडाध्यक्ष,कार्यपालिका सदस्य,नगर स्थित बिभिन्न बिषयगत शाखाका प्रमुख,स्थानिय विद्यालय,स्वास्थ्यचौकी सहित सेवाग्राहीका प्रतिनिधिहरुको सहभागितामा सम्पन्न कार्यक्रममा नगर प्रमुख रेसम थापा,प्रमुख प्रशासकिय अधिकृत लिल बहादुर राउत र नगर प्रवक्ता बाबुराम पन्थी लगायतले हलमा उठेका जिज्ञासाको जवाफ दिए ।

जवाफको क्रममा उनले भौगोलिक विकटता,सिमित आर्थिक स्रोत र माथिल्ला सरकारले दिने बजेटको आफ्नै सिलिङ्ग अनुसार चल्नुपर्ने बाध्यता,कृषि तथा रोजगारको क्षेत्रमा गरेको लगानी अनुसार प्रतिफल ल्याउन नसकिएको भन्दै सोंचेजति प्रगति गर्न नसकिएको स्विकार गरे ।

आयोजक संस्थाको तर्फबाट प्रध्यापक धर्मराज भुसालले संचालन र प्रध्यापक सुरज सारुले बिषयबस्तुमाथि सहजिकरण गरेका कार्यक्रममा संस्थाका अध्यक्ष तथा प्रध्यापक दोर्ण प्रसाद भुसाल र नगरपालिकाको योजना शाखा प्रमुख हरिश्चन्द्र भुसालले प्रश्न,जिज्ञासा तथा सुझावहरुको टिपोट सहित थप सहजीकरण गरेका थियो ।

Workplace
यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

spot_img

लुम्बिनी आवाज डटकम

लुम्बिनी आवाजमा प्रकाशित सामग्रीबारे कुनै गुनासो, सूचना तथा सुझाव भए हामीलाई lumbiniaawaj895@gmail.com मा पठाउन वा ९८५१०६३८९५ फोन गर्न सक्नुहुनेछ ।

spot_img

सम्बन्धित खबर

spot_img

सामाजिक सञ्जालमा हामी

लाेकप्रिय

spot_img

भर्खरै