साढे दुई महिनापछि बोलाइयो बागमती प्रदेश सभा बैठक

लामो समयपछि बागमती प्रदेश सभा बैठक बस्न लागेको छ।

गत पुसमा बैठक गरेर स्थगित गरिएपछि अर्को बैठक बोलाइएको थिएन।प्रदेश सभा सचिवालयका अनुसार अब फागुन २९ मा प्रदेश सभा बैठक बस्ने तयारी छ।

सचिवालयले बुधबार जारी गरेको सूचनामा फागुन २९ मा प्रदेश सभा बैठक बोलाइएको उल्लेख छ।

फागुन १६ का लागि प्रदेश सभा बैठक बोलाइए पनि स्थगित गरिएको थियो।

प्रदेश सभा सचिवालयका सचिव कृष्णहरि खड्काले साढे दुई महिनादेखि बस्न नसकेको प्रदेश सभा बैठक आह्वान गरिएको बताए।

यसअघि गत पुस ८ मा प्रदेश सभा बैठक बसेको थियो।