बुटवल । रुपन्देही बुटवल उपमहानगरपालिका वार्ड नम्बर १ आँखा अस्पताल नजिकै हकिम मियाको घरमा लागेको आगो नियन्त्रणमा आएको छ । दिउँसो ४ बजे बाट लागेको आगो करिव साझ ६ बजे नियन्त्रण आएको थियो ।
आगलागी बाट करिब ८० लाख बराबरको क्षेती भएको र बिधुतको एमसिसी सट भएको कारणले आगलागी भएको इलाका प्रहरी कार्यलय बुटवलले जनाएको छ ।
आगो स्थानीय बासिन्दा , इलाका प्रहरी कार्यलय बुटवल , वडा प्रहरी , अस्थायी प्रहरी बिट जिटगढी र अन्य प्रहरीले नियन्त्रणमा लिएका हुन् ।
आगलागी नियन्त्रण लिनको लागि बुटवल उपमहानगर पालिका , तिलोत्तमा नगरपालिका र सैनामैना नगरपालिका गरि ४ ओटा दमकलले नियन्त्रण लिएको इलाका प्रहरी कार्यलयका प्रहरी नायब उपरीक्षक ठग बहादुर केसिले बताएका छन ।
काठपात र टिनको छानो भएको घर जलेता पनि छिमेकमा रहेको पक्की घरले छेक्दा बजारका अन्य घरमा आगो फैलन नपाएको स्थानीयले बताएका छन् ।
